الموضات اللي مريتوا بيها .. تعالوا خبرونا

حلو الموضوع زهرووووه
اما انا فمريت ب مكسي صدر قصير و صروال
مكسي صدر طويل و صروال
مكسي من ناحية اليد تحت فيه شي كما الفراشه ماعرف مو يسموه
بعدين اتمردت و قمت البس بنطلون عادي و قميص
بعدين اتمردت اكثر و قمت البس جينزات و gangsta
بعدين قمت البس ستايل Emo
بعدين Goth
بعدين رجعت بواطلين و قمصان و بس

و شكرا

انا مكسيااات الحمدلله ما صار ولبستهم
لكن المنتفخ شي اكيد وطبيعي جدا
لبست تنانير مقحطة مال بدو
ولبست جلابيات مال بيت
وعاد تو كله بنطلونات وقمصان عادية
بس في الاعراس البس فساتين
واحيانا البس تنانير بس ما مقحطة الحمدلله
مشككووورة عالموضوع زيز

بصراحة انا عجّبت والصور تشهد طبعا ..
لبست كشكش , صدر طويل , منتفخ , ترتر , مكسيات فيها ستايلات طبعا بقماش الويل احيانا
بعدين تطورت قمت ألبس تنانير مقحطة الى ان وصلت لمرحلة متطورة وايد والحين صرت ألبس جينزات ما ابدلهم ابدا مع تيشرتز ويوم العيد ألبس تنورة لزوم التأنث خخخخ
اضيف اني كنت ألبس كم قصير مع شيلة وكنت احب اطقم مكسي اصفر ونعال صفرة وشنطة صفرة الخ على حسب اللبس تصير ألواني ومزاجي خخخخ ا

كل لبس البدو لبسته...

ما خليت شيء في خاطري نعم...

بس كان فيه موضة ودي انزلها من ناحية تسريحة الشعر لكن للاسف ما حصلت التشجيع.. و هي موضة الكبابة و المفلل خخخخخخ

عاد هذي صدق كانت عجيبة... و ما سويتها الا مرة في حياتي و احنا جايين عمان من البحرين خخخ

بس على فكرة يا جماعة.. ترى كل هالموضات من الوان و قصات و كشش و غيره... كلهااا قاعدة ترجع الحين...

يعني تطمنوا.. كنا طووول عمرنا ماشيين على الموضة و بنظل طول عمرنا ماشين عليها

ههههههههههههههههههههههههه
حماااسس هههههههههههههههههه

انا مامريت بوايد موضات

اول شي لمن كنت صغيره البس فستان منتفخ فدييتني
بعدين لمن كبرت شوي خالاتي خلوني اصير بدويه مادري ليش
لبسوني مكسي اعتقد كانوا يكرهوني ولبسوني كذاك

وبعدييين مريت بفترة التطوع مادري وش كان فيني

البس كم قصير ع شيله

وبعدين عاد ضربت الرقم القياسي ف الملابس المقحطه كنت كله البس ملابس مقحطه
مادري ليش كان حبي البس مقحط
ومحد كان يقول لي ملابسش ماحلوه الكل ساكت
بعديييييييييين بدآ وقت التطور

صرت حلوه وعسل

البس جينزات وكذا شغلات كويتي مل اول

ومريت بموضة الايموو خخخ

والحين البس الـ سكيني جينز واذاك الجوتي الضعفون او جوتي كونفورس مع تيشرتز

وبث

ههههههههههههههههههه
ذكرتووني بالقميص كم قصير والشيلة
نسيته انا

زيزي ترا السكيني جينز ايمو ستايل

ايمان هههههههههههههههههه ضحكتيني اهم شي الكبابه و المفلل خخخخخ

ما اشوف حد من الشباب رد

لكن بتكلم عن الموضات اللي مريت بيها انا

طبعا ً لما كنا صغار امي كانت تلبسنا ملا بسنا

اول شي كانوا يقمطونا هذا الكل مر بيه خخخ

بعدين لما بدينا نمشي يلبسونا حفاضات بدون ملا بس مع مرضعتك وقوووم دووور ف البيت والكل يضحك عليك
هذا بعد اعتقد الكل مر بيه

عاد لما كبرنا شوي

كان لازم يلبسونا شورت مع قميص اللي فية مثلث عند الرقبة لا ويسكرو لك الزر لين اخر شي وتريد تختنق
واذا عندك اخوان اكبر منك ولا اصغر لازم انتوا كلكم تلبسوا الملابس نفسها او بالاصح الموديل نفسه بس يمكن الالوان تكون غير مع صندل

اما بالنسبة للكمة والدشداشة

ترى الدشداشة تكون قصيرة وفيها كسفة من تحت ( لازم هالشي ) والسروال طالع من تحت خخخخ

والكمة مال مكينة اللي يبيعوهم ف سوق مطرح ع 3 او 5 ريالات اذا زادت
والنعال يا ابو صبع او مفتوحة من قدام



وملابس النوم طبعا ً كانت شي ضروري يا عليها صورة بباي او توم وجيري
ولا ما بنام ذيك اليوم لو كانت صورة حد ثاني


اما ملابس البيت

يا جلابيات البيت اوالقمصان والسراويل اللي من سوريا او مصر

تقول رايح تسوي رياضة ما ملا بس بيت

اما ملابس الطلعة

مال الحارة كانت ذاك السروال مال النايلون اللي فيه ازرار وتعرق لين تقول بس
لكن تسكت غصب

وملابس الطلعة مال الكشخة قمصااان وبوانطلين جينز



والحين التطور ملموس في جميع المجالات والحمدلله

ابسط مثال ملابس بلنك بلنك او بوب

مراحب

شخباركم؟؟؟

كل الموضات كوم والموضة اللي لبستها في عهد من العهود كوم!!!!!!!!!!!

اتذكر لبست في المزرعة بنطلون استريج عليه شورررت (للستر طبعا كنت مكلففففة) وقميص كم قصير وتحته قميص استريج كم طوييييل

وعاددد عليه لحاف..واوووووووو

ولكممممممممم بقى تتخيلوا شكلي...........عععععععععجب
ايمانوا و مناسكواااا كانوا معاي في هالستايل...
وع قولة زوزو الصورررر تشهد

بس تو انا غاوية ..غصب عن اللي ما يحب...از اففف


و دمتم سالمين

اهمممممممممممممم شي لحااااف مال مدرسة دارسيت اللي انا و محاسن و ايمان كنا نعتبره من اخدث الموضات

اللحاف اللي لا انه ملبوس و لا انه مخلوع .. ماعرف كيف اشرحه

حسسن ذكرتني بملابس النوووم مال الرسوووم
هذا شي مهم جدا
وبعد نسيت تقول يلبسووك ملابس اخوك الكبير
وعممو ذكرتيني بلحاف المدرسة
عاد كاني مصرية لما البسه
كنت البس حجاب قبل
الحمدلله على اخر 4 صفوف او 5 تطورت واكتشفت الشيلة هههههههههههههه

هههههههههههه كبابة ومفلل ما سويت هالتسريحة
كنت اموت في التسريحة اللي العقص يكوووووووون على جانب ياااااي ومرصوص طبعا وعيوني تصير كأني من الصين والكريم ملزق الكشة

مناسوك عرفته الستايل كنت اسويه لما اسشور شعري خخخخخخخخ

انا مادري ليش لما وصلت الكليه قمت البس كشكش و ترتر

عاد انا مصفعه قمت اللي اشوفه البسه و اسرق ثياب محاسن هههههههههههههههههههههههههههه

صغرى أرجوووووش لا تقولي لحاف المدرسة
حشى أنا ما لبست لحاف قولي شرشف والعياذ بالله
وإلا المريول ما أعرف من كم سنة و ما مالي أصلا
وأروح وأنا في قمة الآناقة والوجه متقشر من كل مكان
خخخخخخخخخ
ذكريات

محاسن تذكرين...

مرة كنا رايحين مع مدرستكم رحلة..

و عاد ذيك اليوم انا كنت بالفعل معجبة في اتباع الموضة...

يا زعم ستااايل

تذكرين كنت لابسة تنورة فيها الف لون و موديلها ميدي... و لابسة تحتها سروال ستريش لزوم التستر <<< اخاااف بس

و عاد فوق شيء غيررررر... لابسة بودي مكتف و فوقه جاكيت قصير ابيض منقط باسود مال مكسي و لحاف... يعني جايبة من كل بستان زهرة...

و الحجاب حدث و لا حرج...

و لا من الثقة الزايدة.. مصورة صورة في غرفة من غرف القلاع اللي زرناها نايمة على جنب على السرير <<<<< مصدقة روحي حورية البحر

محاسن راويهم الصورة جان عندج للحين...

كنت صدق تحفة